同工近日去探一位因末期肝癌而生命倒數緊嘅朋友。因為同毒品為伴太耐, 身邊嘅親人都離開哂。同工同埋院牧探佢嘅時候, 嘗試將福音同佢講多次, 今次佢終於接受決志信主。
而因為個病嘅關係, 其實佢全身都好痛。而因為都最後一里路啦, 所以醫生都提議同批準佢打嗎啡。但係佢話唔想, 佢咁講:
“我因為毒品而摧毁左自己, 我想臨死前不再靠佢地”
唔想離開世界之前仍然之係靠「毒品」, 成為左佢嘅立志後嘅志向, 寧靜頂住個痛咁去經歷, 去學信靠。同工最後問他知唔知走左之後會去邊？佢話, 天家。
願上主親自抱住佢行最後呢段路, 感謝我地係MANNA工作, 同時可以見證到咁多故事咁多生命轉變。我地相信, 雖然環境改變, 但係香港人會越黎越好, MANNA都會越黎越好。
