28 10 月, 2024

一個關於土瓜灣明倫街嘅故事

MANNA存在係土瓜灣都幾個月, 有唔小受惠朋友會自己搵上門, 而另一邊同工都會開始走出去睇下MANNA可以再去到邊。今次同工就聯同教會同埋其他友好機構, 開始將服務慢慢延展開去。

板間房戶以前都係露宿者。 幾年前想搵個有瓦遮頭嘅地方, 同時想避開街上嘅紛爭, 而選擇去租便宜小小嘅唐樓板間房。 五個男人, 一個單位, 入邊有視障朋友, 有中過風半身癱瘓嘅朋友, 咁需要被照顧嘅人, 但係佢地居住環境就真係好一般, 單位天花無電燈、鋼筋盡露、不停漏水。香港其實真係唔應該係咁。

現時MANNA經已開始左食物支援, 再下一步, 就係有耐性地經常出現, 一個一個咁等佢地信任我地, 等佢地話我地知自己嘅故事, 再陪佢由過去開始, 重新再起行一次