呢位姊妹, 係3個小朋友嘅媽咪。5年前認識佢, 佢情況好特別, 一邊接受我地食物支援, 一邊當有能力嘅時候就會奉獻返俾MANNA去幫其他人。直到有一次佢話之後未必會再黎, 因為佢得到一個大病, 如果要醫的話好大件事又好煩, 所以佢想由得個病等自己慢慢離開反而可能無咁辛苦。但係過左排佢又返到黎MANNA, 原來佢老公因為意外行先一步, 但係留低嘅, 係兩位弱智嘅小朋友, 同埋一位情緒病小朋友。呢個媽咪話宜家佢唔可以咁任性放棄啦, 因為佢要為3個咁有需要嘅小朋友安排好之後嘅事先, 所以佢重新堅強起黎, 周圍搵院舍同接受返治療。
去到早幾日, 佢同我地講, 佢想洗禮正式加入教會, 因為佢安排好哂小朋友嘅事之後, 佢最後決定要面對果個手術啦, 醫生講到明, 會好大機會會死係手術台上邊, 手術安排左好快就做, 所以佢想曾自己仲有機會, 係大家面前接受耶穌, 但因為身體問題, 所以選擇左灑禮。牧師一連問左佢幾個問題, 確保佢心意
“我願意”
連續三次溫柔而堅定嘅回認
伴隨住大家嘅詩歌聲歡呼聲號角聲, 其他姊妹出到黎一個個擁抱佢, 再一同為佢禱告, 整間鋪被有如海浪一樣一波又一波嘅祝福蓋過去。
或者係最感人嘅灑水禮
主你若願意, 求你為三個小朋友賜下神蹟。
