可能就打風嘅關係, 今日嘅通洲街公園又熱又濕, 攪到成個公園都係尿臭味, 我係果到兩個鐘後臭到返到屋企都仲聞到。而同工總係唔介意, 習慣用任何公園園友習慣嘅方式去探佢地, 例如陪佢地坐係地。婆婆一路講佢嘅過去, 講佢點樣俾人蝦, 但之後仲話要請返同工食飯同將佢手上嘅糖水讓埋俾佢。
而呢張相到嘅其實係我地坐Office嘅Admin同工, 應付煩瑣嘅行政工作外, 佢堅持個個星期都做小隊長去探街友, 探到公園嘅人都識佢, 俾左個花朵佢, 好型咁叫做”通州街林姑娘”。我覺得要派野俾街友其實唔難, 但係你可以探街友探到佢地俾返野你轉頭, 就証明你唔止係做緊社關咁簡單, 而係真係開始同佢有份關係。
