上星期, 自顧自咁係到諗, 到底我地慈惠飯10蚊20蚊果兩個組別仲應唔應該保留, 一來又唔係免費, 好似唔幫得人幾多, 二來個量都唔小, 係唔知有幾多成效嘅情況下, 都令到前線同後勤, 即係由樓面到工場同工都好大壓力, 單單一間大角咀鋪一個月都成2千幾3千個, 整個機構一個月慈惠系列去到萬五六個。煮果個辛苦, 派果個辛苦, 洗碗果個辛苦, 關心果個又辛苦, 而雖然上主恩典我地過左個5月, 但係6月講緊到今日, 都仲未夠錢出糧。係唔係應該縮下D事工, 又或者減緊D野, 咩都好啦咁。
結果第二日, 即係岩岩嘅星期日, 我地係一間堂會分享, 完左之後有位姐妹行到我面前, 雙手合埋頭垂低, 開口講第一句多謝, 之後就哭成淚人。原來之前一直都係MANNA到食我地10蚊20蚊飯, “因為你地嘅幫忙, 我完成左個神學訓練, 所以我現在可以事奉, 今日先知原來你地咁困難, 但係都願意幫忙, 多謝你地MANNA”。
第二日, 我地網站接到個msg, 原來係一位經已係其他機構做緊嘅朋友, 佢一次機會返到去一個機構聯合活動, 令自己記得返, 當日自己就係到接受10蚊20蚊飯, 而涯過左難關, 之後有今日嘅工作同事奉, 佢話有感動想睇下MANNA有無位置, 想返黎出分力。
到昨天, 觀塘樓面收到封信, 信到除左奉獻外, 就係一位朋友多謝我地, 提供食物優惠, 減低左大家嘅負擔, 之後佢話信內嘅奉獻, 係佢嘅積蓄, 想用黎幫我地去幫其他人。
三位朋友突然咁樣搵我地, 我地唔相信係偶然。係到都想多謝你地3位願意同我講。最後我地唔會取消慈惠飯, 但都提醒緊自己, 有時做做下, 總會諗起成效同效益, 有時都會不自覺跌左落去左計右計。但係, MANNA最可愛最珍貴嘅地方, 應該都唔係出名高成效, 而係果份幫左先, 幫左先再review嘅群體文化, 而點review, 幾時review, 幸好我地果位上主, 總係願意用唔同方法去同我地說話, 去堅固我地手中嘅工, 俾我地知道我地無偏左無偏右, 總係行在其中。你地都為我地禱告可以嗎? 叫我地永不跌倒, 永不變質。
“你不要害怕，因為我與你同在； 不要驚惶，因為我是你的神。 我必堅固你，我必幫助你； 我必用我公義的右手扶持你。”