仲記得, MANNA成立之前, 係到諗我地俾人嘅形像應該要係點。之後就諗起【祠堂】兩個字, 即係果D圍村大時大節食盤菜果個位, 又或者係D阿叔阿嬸無野做坐係到嘅果個位。因為當時我地唔係想做咩社區工作, 只係想個地方會俾社區嘅人時不時諗起上黎坐下。
觀塘6年就快過去, 近日見到有個媽咪因為有小小急事, 將佢個寶貝小朋友交俾我地同工睇住先, 佢快快手處理完再返黎。一間餐廳仔, 最叻嘅唔係做到變大餐廳, 而係做到街坊同自己嘅關係係會有信任到將個小BB交俾你, 我地呢位同工都係一位媽咪, 佢都係一個好有經一歷嘅媽咪, 當果位街坊一開口, 佢二話不說就抱住阿B, 而阿B都好願意咁俾佢抱住, 就咁睇相, 我唔講大家都意為個BB係我地同工嘅而唔係幫緊手睇住先。