前排為一個住唐10樓嘅兩母子家庭搬屋, 本來同工想自己幫手, 但係10層上落真係太危險, 所以最後搵左專業搬屋幫手, 而唐10樓真係無咩人想做, 好在最後都有相熟公司幫手處理左佢。
而其實係未幫之前, 自己因為唔太熟呢對母子, 所以係整個內部討論到自己都好阻撓去幫呢件事, 特別我地係間餐廳又唔係專業搬屋, 另外自己都攻佔左好多道德高地去傾呢單野, 令到個討論都走緊去唔幫呢件事嘅風向。直到有一個貼身同佢溝通過, 認識左佢上年計嘅社關同工, 慢慢將佢過去點識呢對母子嘅野講出黎, 知道佢咁多年都係我地中醫到睇緊醫生, 果阿媽隻腳有事仲要日日行咁多層梯, 又講佢地原來係探緊佢地嘅時候睇住佢收到電話知道可以搬, 同工又再鼓勵佢搬, 再點樣登佢地開心唔使再行樓梯。我終於發現, 原來自己嘅反對, 就係因為自己同佢地無關係, 從而只係高點到審判落去, 所以個出發點唔係對母子到, 而係其他假大空嘅理據到。而咁樣, 係好唔MANNA嘅一件事。
感恩, 最後件事促成到。除左俾自己反思左之外, 都感受到MANNA都由一個事奉機構, 更深咁成為左一個由群體共有嘅處事文化。
