我估有攪個事工活動嘅朋友都知, 其實要攪得成男仕小組真係一D都唔易, 隨時仲難過好多複雜行政同合作嘅活動, 難嘅地方就正正由於, “我地都係香港人嘅男人”。咩意思呢? 即係大多情況下, 男仕小組就係一大班唔鐘意或者唔知點講感受嘅人, 坐埋打算互相分享下感受。所以好多時開組都好多金執, 因為沉默是金。
好似同工咁講, 經常就連有無人出現都唔知, 因為大家黎定唔黎都唔多鐘意講。但係時間, 就成為左一個緩衝, 俾大家可以慢慢習慣慢慢望清楚件事, 去到今次, 同工第一次攪外出活動, 都諗緊會唔會最後無人出現, 但結果好感恩, 時間令到呢班男人可以好似一班大細佬咁, 行下睇下講下無聊野。
或者”關係”嘅野, 唔係咩複雜事, 只不過係時放時間慢慢浸。
