其實我地由上年11月左右開始籌備, 到宜家5月, 半年都黎啦, 我會形容成件事係好多阻礙但係又好順利, 咁矛盾係咩意思呢? 因為我地真係講唔上件事係無阻礙, 但係又唔可以話唔順利, 因為我地經歷左好多奇怪事但係D事一發生無耐就無解決到。例如我地發現個鋪地下原來係空心嘅, 但係我地工程第一日就發現, 所以雖然震驚但係還完反而令到鋪空間感大左。我地又發現果到無去水口, 天花板因為業權問題令前排落十幾日雨就好似水舞間咁, 我地作為租客去處理呢D野結果要親自去同唔同業事甩面, 又要出席業主立案法團, 但係咁樣反而令到左隣右里都認識左我地。之後發其實唔夠電, 但係甘樣反而發現煤氣公司可以免費提供一堆廚具同安裝, 令到我地慳返筆。早前仲發生爆格, 令到工程進度可能會影響, 但係果個人可能太心急, 貴嘅野都無攞到。
所以我會形容成件事係好多阻礙但係又好順利, 因為D阻礙最後都阻止唔到件事。我地應該6月頭就會開啦, 攪咁耐就係為左確保所有野都安全, 同埋盡力令到前後左右嘅隣舍都唔會俾我地黎到而影響到, 始終唔係個個都認同我地理念, 所以件事慢, 可能都有佢好處。認識土瓜灣耐左, 感覺佢係一個好似俾人忘記緊嘅社區咁, 我地相信未來會發生嘅事將會好多。
最後順便出埋招聘post
1. 土瓜灣搵【兼職/全職】餐廳營運隊員
返星期二到星期日, 唔使返夜班
2. 觀塘搵【兼職】餐廳營運隊員
要返到星期6星期日
上邊兩個位置都急嘅, 有興趣直接whatapp傾, 62323543
