MANNA lOGO V2
16 6 月, 2024

多謝天父!多謝大家!多謝香港人

呢D相係我地岩岩舉行嘅土瓜灣差遣禮, 舉行得差遣禮, 即係我地因為大家嘅支持, 我地最報可以處理到個工程費用。一直而黎我地都係又新又細嘅nobody群體, 但係我地慢慢參與越黎多, 同時得到你地信任, 我地真心相信係神蹟一樣嘅旅程, 講真大家可以幫嘅選擇真心好多, 大家都有唔同困難, 而你地將自己嘅信任同奉獻投放俾我地, 我地真心無言感恩。所以我地成日話, 唔係MANNA同香港人同行, 其實真心係香港人同MANNA同行。

MANNA一如過去, 我地財務情況同我地個名個意思一樣, 永遠都只係足夠目前情況, 之後7/8月開支應該點處理都仍然係未知之數。我地為左可以未來保持我地咁多受惠人嘅社區服務, 我地餐飲營運同工好積極咁改革, 我地仍然以成為香港餐飲服務最好嘅慈善機構為目標, 如果大家經過開我地鋪頭, 而你本身係食開一般連鎖餐廳都無問題的話, 不如考慮幫襯我地, 我地同工上下保證我地一定俾到個滿意性價比到你地。又如果大家有咩情況需要到飯盒或者到會, 都諗下我地, 我地過去因為唔同問題唔可以太大量生產, 但係問題都俾同工解決左, 現時其實我地做緊好多院舍同學校飯盒, 如果你地咁岩要搵供應商, 諗我地啦, 一幫到我地基層就業, 二支持緊我地激大量嘅社關事工, 三我地食物真係唔差。

另外, 都係呢個POST嘅重點, 近來關於慈善機構嘅壞新聞真係特別多, 我地一直有諗我地會唔會都有變質嘅一日呢? 自己會唔會都有一日出問題而自己唔知呢? 所以黎緊我地其中一樣會做嘅, 就係我地會公開我地審計報告, 同埋會個個月更新我地財務情況, 同時會直接放係我地網站, 俾大家慢慢睇。 希望除左成為香港整野食最叻嘅慈善機構外, 都想慢慢成為香港最透明嘅慈善機構。但係大家要俾時間我地, 錫住我地, 因為我地無咩多人手同Admin去整到好勁好有系統, 但係我地會盡全力。我地D報告嘅連結係留言到。其實我都唔肯定咁樣自己公開最後會有好結果定壞結果, 因為我地真係好唔專業, 但係我好相信主動俾大家監察, 可能煩嘅野多左, 但係我估咁樣, 反而我地錯極都唔會咁易去到無藥可救返唔到轉頭嘅地步。最後最後, 我地關心人陪人幾年等佢戒毒, 又話者派飯攪社關都算係叻, 但係整理呢D文件同數字野真係核爆地廢, 但係我地願意去咁做, 因為同想大家知道你地嘅奉獻用左去邊。期待大家嘅耐性監察同教導。