同工早上見到位客人, 就講左句”好耐冇見你個女啦”, 之後就接住傾左段時間。其實呢句野好簡單, 但係聽到之後就諗左好耐, 香港餐飲其實有幾可可以做到同個建立到關係呢? 唔急急腳俾野係食趕你走都算, 仲會同你傾計講下近來點, 仲原來係會識埋個客個女。MANNA同工好似總係有種特質, 的確係成日做到厭世, 但係佢地想關心人果Part真心係好似DNA咁內置左。
MANNA仲年輕, 但係就經已好似一間做左幾十年嘅街坊鋪咁。的確我地好多野即使盡做左, 都係無能為力, 我地咩都改變唔到, 幫緊嘅人仍然係窮, 戒緊毒嘅10幾人都仲係戒緊出出入入, 同工更會成日因為餐廳服務業嘅身份而俾人無理責罵。改變唔到咩嘅呢份無力感可能都幾重, 但係個個係MANNA做到咁上下嘅同工, 都會慢慢發現到, 可能, 呢份無力感可能先係事奉可以長久既原因。事奉可能就係睇唔到成果但係仍然堅持到底嘅果個過程。
