雖然市道唔好, 但係我地唔會請外勞。
唔係因為歧視或者其他分AB嘅原因, 而係我地機構其中一個設定, 本身就係協助香港有需要嘅朋友就業同埋有個歸宿。的確因為我地財務一直唔好唔穩定, 一直都有朋友出於關心同好意下, 建議我地停部份事工, Cut人手精簡, 又或者最直接請外勞幫手營運。請外勞其實現時唔亂, 都好化算, 老實講我地目前支付俾唔同受訓同工或者受惠朋友嘅人工, 仲高過俾外勞, 如果只係睇財務, 一換外勞, 唔好多只換3份1, 機構財務即時健康好多好多。但係我地唔會咁做, 永遠都唔會。
由幾個同工去到今時今日150人, 壓力點都有, 但係恩典一直夠, 疫情我地無減薪炒人, 疫後我地都無, 所以現在我地都要盡力同上同落。我地相信, 堅持異象盡忠於扶貧同行嘅召命, 做好食物性價比, 盡力照顧所有同工, Manna一定會越黎越好, 香港都一定會越黎越好。
