希望幫到位婆婆「重新入伙」

因為土瓜灣餐廳門口放左塊牌, 話”有需要幫助就入黎啦”。結果真係有位婆婆行過見到問係唔係可以幫到自己, 同工上到去由見到間屋嚇到腳震, 到清理左33部公屋垃圾車垃圾, 到發現清完之後阿婆都係無能力執整, 到同工幫手清潔埋裝修埋, 婆婆話就好似新屋入伙咁。

因為睇住我地呢班3唔識7嘅人盡心到咁樣, 就話唔會再行返之後條路, 同埋開始成日黎餐廳坐, 仲黎埋我地星期六嘅聚會。執係辛苦但係我地都知道執左佢都只會再拾荒, 唯一解決方法就係陪佢陪到唔再空虛, 陪到佢知道唔再係得自己。咁先至可以令到佢真正”重新入伙”。