感謝上主。感謝香港人

感謝上主。感謝香港人

MANNA成立至今, 最大恩典同特質, 就係不斷開展同群體成長中, 我地都係無存款無政府支持, 而令到我地可以咁大自由度下做MANNA要做嘅社關事工服務, 就係因為個個月我地都會經歷如同嗎哪一樣嘅神蹟, 就係上主感動無數香港人信任我地, 大大小小幾百幾千咁, 海量地有好多好多好多好多好多好多朋友, 集小善成大愛。

其中最令同工感恩嘅, 就係我地作為註冊慈善機構, 我地需要為所有奉獻及服務使用賬目逐張簽紙確認, 張相到張張紙都代表左你地其中一次嘅信任同奉獻。 係呢個過程, 因為所有文件都有名有姓, 所以我地會見到同知道邊位朋友作出奉獻, 有時會見到恆常奉獻者, 有時會見到自己過去同事, 有時會見到中學同學, 有時會見到自己同工, 有時會見到香港大小明星, 社會人仕, 醫生, 校長, MANNA自己義工, 有時仲會見到自己親人都奉獻埋一份。我地會對所有奉獻者祝福佢地平安, 對所有用我地長者飯嘅長者祝福佢地安康, 對所有用我地到會或者膳食服務支持我地嘅客人由心感激。

感謝上主, 感謝香港人, 令到我地真真正正成為一個同香港人同行, 而同時又係香港人同我地同行嘅群體。

#IfYouCare

#感謝大家個個月支持

#感謝大家俾我地可以行落去

#感謝你地同我地陪我地活出召命

#盡做落去做到用哂最後一蚊為止

#個個月清袋但個個月最後都夠