MANNA由一間餐廳去到晚晚有唔同活動, 有宿舍戒毒, 長者送飯, 客旅事工, 情緒病復康事工, 在職工作培訓等等下刪一大抽, 總係有街坊問我地為咩可以去咁盡, 為咩總係MANAN同工總可以接受咁多唔同嘅人。其實我地都唔係一出世就大愛, MANNA同工10之89都係過去俾其他基督徒前人用耐性包容過, 用愛心接納過, 最後係上主面前回轉, 到今日就返到去呢個”圓”入邊, 定意用自己生命去擺渡返新一批過來人。
好似呢位係晚會上分享緊嘅同工, 雖然大家都叫佢興仔, 不過佢年紀唔細都就快登六, 作為MANNA同工, 佢年輕時都真係戰績彪炳, 有40幾個案底, 曾經吸毒販毒同誤殺, 後生嘅時候唔係坐監就係訓街犯法。接近20年前開始認識上主, 10幾年前痛定思痛終於係其他教友親朋支持下戒毒成功, 最後憑住一句領受, 認定自己更新後生命就係要”回頭堅固弟兄”, 最後完成神學訓練, 成為福音機構同工。現時係MANNA負責街友工作同更新宿舍事工。
或者MANNA同工好多過去都係壞蛋曳豬, 但正正係呢D過去令到我地心底社裡相信, 所有人無論點壞點爛都有得救, 所有人身上都總係可以搵到更新嘅盼望, 只要我地可以陪到佢地願意搵上主。今日我地學習去愛同選擇唔放棄同行, 都係因為我地都受過同樣嘅恩同樣嘅情。目前係我地3個宿舍到生活緊嘅, 大約都只係得20人, 成效或者真係好低好慢, 但係如果上批准的話, 我地都真係好想做落去。
