不斷擴展咁多年, 我地今次終於Cut野啦, 我地唔再做到會服務啦
10月係我地最後會接Order嘅月份, 11月係我地最後會出到會嘅月份, 12月開始MANNA就唔做到會啦, 多謝大家支持左咁耐。至於原因呢, 就係我地做飯盒服務真係用多左好多心力, 特別係長者送飯服務。長者送飯令我地工場同工好多都要一早7點返到去開工, 而到會咁岩好多都係晚上, 就算下午要嘅其實都同我地長者飯撞哂時間, 諗左好耐好耐之後, 所以我地決定到會服務會係我地MANNA第一個完結嘅服務。
到會其實一直幫左我地搵到唔小資源去支持我地事工, 但係左計右計下, 我地都係決定放心力去做好事工成份重好多好多嘅長者飯, 始終我地係事奉而唔係做生意。長者送飯過去幫左好多突然有病行動不便嘅長者解決兩餐, 協助到佢地爭取時間等政府資助, 同時都令到好多臨時照顧唔到自己年老父母嘅人搵到個支援方案。因為我地唔係受政府資助, 所以基本上無任何審批, 接近係今日聯絡第二日安排到就可以開始, 過去應急地同好多有需要嘅長者同行左段路。
唔做到會, 的確影響左我地好多收入, 但係我地仍然相信MANNA會越黎越好, 都希望大家持續係其他層面到, 支持我地, 同我地同行, 等我地可以同香港同行。
