我地需要你嘅奉獻支持

我地需要你嘅奉獻支持

咁多位朋友, 支持者, 教會執長, 兄弟姐妹, 香港人。

過去MANNA所做嘅, 睇落好似好雜好亂, 但其實講到底就只不過係一班同工用自己條命去行一條上主而來嘅命令:

“因為我餓了，你們給我吃，渴了，你們給我喝；我作客旅，你們留我住；我赤身露體，你們給我穿；我病了、你們看顧我；我在監裡，你們來看我。”

我地過去咁多年, 係社區到不斷尋找果位社區上最小的一位, 盡力陪佢行一段路, 我地從來都無變, 只係行行下發現越黎越多人, 諗住陪果段路仔, 變成之後都行同一條路。

我地整個機構開支有超過一半係由我地同工透過餐飲同大家幫襯返黎, 但係另一半就需要大家奉獻支持我地。過去同大家都分享過我地唔同事工, 我相信當中定必有可以觸動到你嘅群體, 或者你唔知點開始關心佢地, 又或者你有自己難處唔知可以點開始, 但我想係到邀請大家, 同我地同工, 成為我地事工支持者。我地即使無政府資助, 都無好似關愛隊咁多活動, 但係整隊同工都代表緊果份願意獻上自己微小同願意嘗試下走出去事奉嘅心志。

我相信未來幾年, 香港需要接受MANNA協助同行嘅人會越黎越多, 不論係失業朋友, 基層家庭, 定係戒癮及情緒病支援。如果我地可以得到更多恆常奉獻支持, 不論係月奉獻$100好, $500好, 又或者任何你想參與嘅都好, 都不論你係邊間教會, 咩野信仰, 又或者只係普通香港人一個, 我好有信心, 你都可以透過參與MANNA, 可以看見同見證更多故事同神蹟。如果有咩問題, 又或者想了解多D我地事工, 62323543, 隨時搵我, 我會為你解釋更多更多。

唯願我們看見的, 也能成為你所看見的。

Leo

總幹事