近來有眼利嘅朋友, 開始PM我地問牛頭角鋪幾時開。係阿, 我地靜靜地係偉業街105號開展左個新位置。 至於點解咁低調, 因為呢個雖然係地鋪, 但其實係浸會醫院嘅員工飯堂, 而且都唔係話好大, 只係得600尺左右。 感恩可以有呢個機會俾我地嘗試, 而都因為咁, 所以呢個地方對你你你你咁多位支持者而言, 係屬於半開放嘅, 意思係午飯繁忙時間, 座位都要預留返俾醫院同工, 而其他朋友, 可以選擇外賣或者早午茶時段黎支持我地。
一如以往, 我地同工有8成都無做過餐飲, 呢到都會係一個盡力做好性價比食物, 而又努力搵空間不務正業嘅餐廳。我地22號開啦, 附近返工嘅朋友, 多多指教。
