未來應該係要個社區自己關心返個社區

未來應該係要個社區自己關心返個社區

早排大角咀鋪同附近一間教會合辦活動, 邀請左區內嘅基層家庭兒童, 俾佢地係另一個角度再認識自己住緊嘅地方, 去一定住左好多經過好多次但係無機會入去嘅地方, 例如清潔站, 街友聚集嘅公園等等。接近20個小朋友, 佢哋係鋪到親手整咗三文治同野飲, 再用自己雙手親自去將自己小小嘅心意送出去。同時嘗試同唔同朋友, 例如清潔工們露宿者街友傾吓偈, 東問問西問問。小朋友開心, 街坊見到班小朋友, 仲開心過我地平時探佢地, 始終, 邊個會唔鐘意小朋友?

“Yeah我搵到我嘅對象啦”
果位同工友合照嘅小朋友, 完左探訪之後好開心咁大叫出黎, 好似搵到人生目標咁。