成班同學幫手整福袋, 由籌集物資去到包裝, 都係呢班未來小主人幫手, 佢地聽完同工講現時基層情況之後, 仲寫左好多心意卡放埋落去福袋到, 而本來可能要我地同工包成日先處理得哂嘅工作, 200位同學同心用左20分鐘就完成左, 真心多謝咁多位小同工。
講到福袋, 其實MANNA現時對柴米油鹽呢D生活野嘅需要越黎越大, 因為由無家者到單親家庭, 獨居長者到難民不經不覺都成為我地支援群體, 而佢地好多都倚賴緊MANNA嘅幫補, 而呢D物資, 都係真真實實幫到佢地同令到佢地鬆一口氣而會心微笑嘅野。
所以有時會係到諗, 會唔會有一日, 有大型超市可以將佢地就快過期嘅生活用品, 用低價賣到俾我地, 又或者係送到我地去轉送出去呢? 會唔會咁岩睇我地Facebook嘅人有咁岩識嘅人係果D地方做可以落到決定幫我地呢? 另外, 我地其實真係好想有個物資倉, 因為黎緊除左我地做緊嘅區之外, 我地打算更大規模支援葵涌嘅基層同埋不同停留左係香港嘅客旅朋友。但係現時我地嘅倉都爆爆地, 會唔會咁岩, 有係宏達工業中心有單位吉左嘅朋友見到呢個Post會考慮便宜俾我地用呢?
成功借D意係個Post到講左兩個心願, 完。
From 總幹事
