盡

星期一行到入鋪, 意為有咩工程攪緊, 之後聞到成陣鐵打酒味, 原來同工將餐廳休息日, 左搬右搬整左個空間出黎, 搵左幾位醫師黎幫手睇症義診。街坊一個接一個, 係見醫師嘅時候, 聽佢地生活上點樣整到勞損嘅點滴, 其實所有本身都係小小事, 但係持續地為生活而處理唔同, 又不斷地重覆又重覆果個動作, 最後就慢慢要睇醫生先處理到。

其實大家又點會唔知要休息, 又點會唔知返工嘅動作會勞損, 但係無耐香港地, 仲有好多長者係仲係到用緊勞力去搵食。或者MANNA永遠都幫唔到人脫貧, 但我地會盡力係貧窮人身邊, 起碼話俾佢地知有人係到, 上主都係到。