第二季香港基督教籃球街球聯賽嚟啦!

第二季聯賽終於可以開始報名, 仲記得上一屆係因為心情唔好落街行下, 行行下俾班小朋友叫打波, 打完就同佢地講不如之後定時打下波啦, 佢地就問一句:
:有無比賽打先?
:有, 點會無阿,一定有啦!

就係咁MANNA就膽粗粗SEND EMAIL出去, 諗住點都有3, 4隊啦, 結果有27隊教會同機構, 組成一次400幾人參加嘅聯賽, 仲要可能係香港最大規模嘅免費教會聯賽。同時都因為呢個聯賽, 令到MANAN同工多左樣武器同班後生仔埋堆。

今季我地多左合作伙伴YMCA, 佢地會提供位於尖沙咀嘅有蓋籃球場俾大家, 所以今次唔會再受雨天影響, 同時除左場場都會有球證外, 仲會多左個專業TABEL人員去同其他義工同工, 務求令到計時計分可以更專業。多左咁多野之後, 今屆我地決定仍然係【免費】。上屆係大家不知不覺下, 呢個聯賽成為左好多朋友嘅焦點, 由唔睇好去到驚嘆在坐咁多位基督徒原來係黎真嘅! 真係攪左個400幾人參加嘅聯賽仲打足成7個月。所以, 點都好, 不如我地做落去, 俾個社區知道我地基督徒仍然存在, 仍然想攪返D野, 至於其他問題, 我地之後先再review啦不如。

上屆有打嘅你, 今屆預埋你啦 😊