早前同大家公開籌奉獻去執整宿舍, 結果遠遠唔夠工程公司報價, 連10份1都唔夠, 本來都唔知可以點算, 宿舍受惠人近來又越黎越多。最後, 宿監們同班弟兄傾完, 佢地決定用收到嘅奉獻自己買料, 自己人自己屋企自己整, 結果激發左咁多位弟兄過去嘅小宇宙, 夾手夾腳, 整返好左好多野。而佢地, 都因為呢個安排, 而更有歸屬感。
有資源定無資源, 最後都有美好結果, 或者呢份樂天呢份傻勁, 就係我地信仰最神奇嘅地方。願MANNA可以行得更遠, 令到同呢個群體有關係到生活嘅千幾個人, 不論長者, 婦女定更新朋友, 都可以有足夠時間, 經歷上主更多更多。
