呢位伯伯幾年前係觀塘到認識嘅無家者, 由相識到佢會係街到煮飯俾我地同工食。由係街邊探佢去到睇住佢身體越黎越差, 入醫院到院牧同我地講可能要準備身後事, 結果神蹟地當同工聯同院牧同傳道去到醫院為佢禱告再灑埋禮後, 身體好多指數都突然好轉, 最後出埋院。出院後同工陪佢上庭, 之前因為意為自己就快死所以一直無去面對自己過去嘅官司, 結果要受嘅都係要受, 出院後無耐就要坐監, 佢本身個生命就多故事, 只係可能佢自己都估唔到信耶穌之後都有咁多野要面對。
早前佢終於受完要受嘅, 出左監, 宜家平白地可以係條街到行都唔使再怕。死唔去又完監, 同工開始為佢搵地方住, 今日見面時仲俾佢遇返當年第一班探佢嘅義工, 而呢位義工小朋友都生埋啦經已, 當呢位重生嘅伯伯見到個小朋友嘅時候, 果個笑容, 身邊嘅人唔知真係意為佢係阿爺陪緊自己個孫。
義工, 同工, 小朋友, 無家者伯伯。一堆人用左幾年時間, 的確我地唔算令到佢脫貧, 但係呢位伯伯我好肯定佢自己都知現在佢經已有左新生命, 一個貧富都唔再限制到佢嘅新生命。
