讓我們成為彼此的救贖
郭伯, 末期腸癌症病人, 一位由其他機構轉介俾我地呢間餐廳仔嘅受惠朋友。我地由上門送飯俾佢開始一步步認識, 有同工有義工, 仲記得我地同工之前同佢係屋企傾計講起信仰, 到佢決志信耶穌, 本身經已令守候係佢身邊嘅同工好感動。到今日, 郭伯正式接受灑水禮成為郭弟兄。
好多人意為MANNA係幫人果個, 但其實只係岩一半, 事實上我地幫緊嘅人其實都幫緊我地。講真, 我地咁多個係MANNA事奉嘅人, 其實都係背負住好多故事同傷痛嘅人, 而正正我地就係透過事奉, 上主就用呢班受助朋友去醫治返我地。整個過程或者用好多好多唔成正比嘅時間, 但係當我地願意等嘅時候, 就總係可以見證到唔同嘅轉變, 令我地知道同相信, 呢個世界, 總有野係值得盼望, 總有野係仍然值得相信, 總係有野令到自己記得自己仲係一個有感情感受嘅人。
MANNA, 成為左一個令到大家可以係到遇見上主嘅地方, 成為一個可以互相救贖嘅地方。
