18 5 月, 2025

2025 517 洗禮完畢

5月17號星期六又到我地機構一年一度嘅同工及浸禮活動, 所以門鋪都休息一日, 今次我地又係大尾督, 敬拜浸禮同工活動, 行過路過見到成班人的話, 放心我地唔係旅行團。

 

成日係度諗, 上主將唔同受傷或者要更新嘅人聚埋哂係到, 仲要越黎越多人, 唔同種族, 唔同性向, 唔同背景, 唔同家庭, 唔同信仰, 令到我地成日嘈嘈吵吵但係就仍然聚埋一舊, 會咁樣, 我估得兩個可能, 一係上主將我地集體棄置, 一係上主將我地集體醫治。而憑我地識左上主咁耐咁多年感情, 我都幾肯定係要醫治我地, 再將我地轉化成為醫治者, 再四散出去。