4個人4個身份, 坐埋就一齊

呢到4個人4個身份係1個地方成為同1個群體

我地既義工
我地既會員
我地同工個仔
我地熟客個仔

佢地見到對方就立即坐埋一齊玩, 連我地既同工諗住幫佢地落埋單先, 都俾佢地叫我地遲D先。

透過食物, 關係被建立, 而當關係建立咗之後，食物或者經已唔再係最重要。始終, 事工本身唔係重點, 入邊嘅人先係最重要, 因為人透過真正關係而建立嘅群體, 往往會成為我地生命中嘅基石同後盾, 有左呢樣野, 之後再有咩風浪, 或者我地都可以知道有同伴而支持得住。

好似MANNA咁, 經已開始分唔到係我地扶緊街坊定係街坊扶起緊我地, 係我地同會員行緊, 定其實係會員同我地行緊。不過, 都唔重要啦, 佢地開心就夠哂。