有跟開我地Facebook嘅都知道, 其實我地斷斷續續都去左菲律賓幾次同開展左物資支援。係呢年到, 看見嘅事真係好多, 貧窮嘅定義一次又一次突破低點。去過唔同地方後, 最後我地會去到Legazpi City, 係一個有活火山, 有地震, 同時係所有經過菲律賓颱風嘅第一站, 係一個貧窮又多天災但唔知為咩仲有人居住嘅地方。

圖入邊嘅小朋友, 都無係貧民窟下無書讀一日最多食一餐嘅小朋友。好記得當中有個兩歲嘅小朋友我地俾到飯佢都唔食, 問完先知原來佢媽有精神病日日夜夜見到就打佢, 阿爸唔係賭錢就係飲醉, 所以呢個小朋友連貧民窟嘅屋都無得住, 直接訓係垃圾上邊, 同行朋友仲話我知佢好大機會俾人性侵過。為呢個男孩禱告, 佢就開始食飯同俾我地抱, 一抱就感覺到佢兩隻手嘅力, 抱得我好實好實。其他小朋友仲叫我地快D幫佢離開, 就算唔幫其他人都好都要幫左佢先咁話。更有其他小朋友, 可能下星期再去, 就因為唔同原因, 就突然死左。佢地嘅未來? 如果成功長大到的話, 通常都係加入黑幫撈偏又或者賣淫過活。

你去得幾次, 根本就唔會再有唔幫佢地嘅可能。我地未來會係果邊設立食物工場, 加大食物支援嘅量, 其實係果邊要令一個小朋友飽, 只需要3蚊HKD。我地都打算設立兒童庇護中心, 去保護有危險嘅小朋友, 而短期我地會協助佢地起草屋, 換傢俱, 同埋會開始一個好特別嘅雞雞計劃, 因為果邊好多人都係會副業養雞, 一來可以食蛋補蛋白質, 二來可以賣雞幫補, 我地會協助佢地有第一對雞。我地會連同果邊嘅教會, 去教佢地避孕, 因為佢地一個家庭會有成17個小朋友。其實仲有好多好多, 但係真心唔知可以邊到講起。

一輪熱心後, 其中張相就係自己坐左係到諗, 唉, 邊有錢, 點算? 呢個時候我隻電子錶震左下, 原來係我聖經app彈左句金句出黎:

馬可福音 9:23

耶穌對他說：「你若能信，在信的人，凡事都能。」

見到段金句之後自己身心疲乏下內外都笑左下, 除即立下決心自言自語講左句, “有你真好, 我信! MANNA要去菲律賓啦咁, lets do this”

下一步其實未知點, 但係幫左先, 幫左先再Reivew。