過去我地總係笑自己, 扶貧但係從來無人脫貧, 仲做到自己都貧埋, 戒毒就從來無人戒到總係個個都走回頭路。但係今日, 做左咁多年, 終於有第一個更新計劃畢業嘅兄弟。佢仲話只要MANNA唔執, 都仲會留係MANNA到事奉留係MANNA到生活。
而我地唔係想講MANNA今次有幾叻, 反而係如呢位兄弟咁講, 過去, 佢真係遇到好多天使。佢由細玩到大, 到宜家有長者卡啦, 先真真正正返到基督群體, 成個歷程, 就係因為過去有好多人支持佢, 戒完又玩, 玩完又戒, 出出入入好多機構, 教會。有人叫佢信耶穌, 有人叫佢洗禮, 有人叫佢試呢樣試果樣, 到最後有人叫佢去MANNA。所以今日呢位兄弟企得係到接得張證書, 係因為大家, 係因為呢個有接近百幾人陪佢行左幾十年嘅生命門訓。唔同嘅人播種, 唔同嘅人栽種, 唔同嘅人修剪, 先至見到今日呢一刻。
你呢? 搵到你生命嘅答案未?
