「520」向天父説聲「我愛你」

2019年5月20號我地係觀塘重開, 從此之後我地就將520呢個日子定做我地同天父之間嘅拍拖紀念日。所以今日我地全部同工唔做野, 就係出去同天父拍拖, 同時呢日都係我地洗禮嘅日子, 今年有6個朋友洗禮, 當中仲要有3位唔係同工, 佢地都係認識左MANNA後一步步行到今日, 有同佢行左3年嘅無家者, 佢由日日走上我地到食飯再鬧爆我地樓面, 再要脅要炸死我地班社關同工, 到因為信任而戒毒, 再去到我地宿舍, 到今日接受洗禮。又有一個係我地頭號黑粉, 會日日上黎指住我黎鬧, 再去到唔同地方投訴我地, 到今日同我地越行越埋, 洗埋禮加入教會。又有個係岩岩出冊, 我地一早去接佢出黎去觀禮, 又有唔同經歷背景嘅人黎同我地一同興祝。

或者我地真係香港最攪笑最不務正業嘅餐廳, 又係最無效率嘅慈善機構, 又係最五湖四海嘅基督群體。我地其實係咩? 我地都唔知, 但係我地會想邀請你地黎體驗下, 由你地話返俾我地知, MANNA到底係D咩野。