添叔, 當年因為知道我地呢到有慈惠飯, 佢為左果兩餐飯, 總會日日係茶果嶺到行過黎, 而因為佢過去生活影響, 令到身體同隻腳都好差, 問過佢行過黎要幾耐, 可能都要成個幾鐘。但就係咁, 我地慢慢認識,同了解多左佢, 聽過佢講好多佢過去點樣叱吒風雲, 係情場又點樣威水, 但因為毒品同年月最後都無放過佢, 最後自己個晚年, 佢自己都估唔到會係個無冷氣嘅垃圾屋到自己生存。
觀察, 我相信係MANNA到經常出現嘅野, 但唔係我地觀察任何人, 而係班受惠朋友都總係會觀察我地, 睇下我地到底係咩人, 到底係到做咩 到底做緊咩。添叔會同我地傾計, 會參加我地團契, 會去我地中醫。我地有舍宿嘅時間佢都知, 但係佢話仲有好多野唔捨得。最後係班同工伴隨同祝福下, 佢係一次晚會到, 決定跟我地走。
現時我地宿舍慢慢多人, 而當中有相對年老, 除左俾個清靜環境佢地外, 我地同工仲要陪佢地去睇醫生, 定期覆疹, 報到等等。因為佢地好多老人長期病, 講真, 同工就好似多左幾個老爸要照顧咁。而大家都準備好係要照顧佢地到返天家為止。MANNA可以由餐廳為本業, 去到現在咁樣, 除左天父使用, 大家支持外, 就係因為有一班有召命嘅同工。以宿舍為例, 同工真係用條命用青春去陪, 一上山就連續4日日日夜夜咁陪。而令到受惠人會肯上山嘅, 就係其他同工集合上年計嘅被覲察, 堅持持續地做一D睇落無效果嘅野而出現嘅成果。
其實我地都唔肯定個宿舍可以攪到幾耐, 因為我地係無任何資助咁去營運呢個地方, 背起哂呢班無家者嘅起居飲食同各樣活動同開支。但係我估你都知, 我地係唔會放棄都唔會因為任何原因去Cut Budget定上限, 只要有人需要, 我地就會回應, 幫左先再review。因為我地都知道, 呢個係MANNA嘅召命。
