多謝大家早前俾我地嘅物資

多謝大家早前俾我地嘅物資, 幾位同工自費去到菲律賓經已將所有物資都分發哂出去啦。

再次去到貧民窟, 污染問題仍然好嚴重, 垃圾同埋污水令到小朋友嘅死亡率仍然好高, 整片土地都因為太多吸滿污水嘅垃圾攪到個質地好似彈床一樣。有好多小朋友全身生滿哂瘡, 因為不段感染又不斷整捐令到佢地好多位都出現潰爛。但係小朋友仍然因為知道我地會去探佢地, 而滿有期待同埋笑面咁衝去我地到, 仲準備左詩歌表演。今次除左分發食物物資同埋醫藥支援外, 仲攪左件大事, 就係我地包車送左整個貧民窟136個小朋友去食Jolibee, 佢地個個一知道我地呢個安排, 都即時超興奮大叫, 換哂自己最好最好果件衫, 心痛嘅係佢地好多作為菲律賓都從來未食個Jolibee, 又話者只係食過人地食剩嘅, 去到仲有好多小朋友唔明白為咩果到會咁凍, 因為佢地唔知原來呢個世界有冷氣。

成件事令到整個社區都係到討論, 話有幾個傻左嘅華人炸爆左間jolibee。其實都有諗過如果咁樣同佢地去過, 之後無得食會唔會好慘, 係唔係應該唔好同佢地去? 但係諗諗下都係幫左先再reivew, 最多就係我地去果邊密D, 等今一次唔會成為佢地最後一次。而且你都估唔到, 接近所有小朋友, 即使肚餓同想食, 佢地都有留返部份攞返去俾自己爸媽去食, 真係喊出黎。

黎緊我地會持續努力, 令到呢百幾位小朋友感受到大家嘅愛