從又喊又驚到可以開心噤笑

又喊又驚去到笑得返

情人節兩個小朋友係我地地方地下到玩得好開心, 但係佢地笑得咁開心之前, 係又喊又驚又不安。事關佢地嘅爸爸長期利用佢地去搵錢吸毒, 所以我地突擊係佢爸爸唔係到嘅時候, 幫佢地搬屋再幫佢地轉埋學校, 攪到佢爸爸發散人周圍搵佢地幾母女。而情人節果日係轉校手續, 我地班同工好似C4陪住佢地去舊學校處理手續, 但係佢地爸爸嘅第二頭家嘅小朋友都係果到返學, 而佢係會接放學嘅, 所以我地為左避開佢而時間好緊迫, 好在最後係舊學校嘅同工了解到事情咁緊急嘅情況下, 願意特快處理件事, 令到我地最後好安全咁完成件事。

而整個過程望住兩個小朋友, 都好心痛, 細仔不斷喊, 大女就全程拖住我地同工, 唔講野都無喊只係不斷周圍望, 因為過佢果位爸爸暴力相對待大女, 令到佢有一種出自恐懼嘅成熟。為咩一個咁細嘅小朋友, 要咁快咁生性呢? 為咩呢個成熟成長嘅過程要咁扭曲呢?

希望件事係新地方到可以正式落幕, 主若許可, 就俾我地MANNA呢班叔叔姐姐陪你地大個, 陪你地行之後嘅路, 做你地家人, 做你地爸爸, 做你地阿伯阿叔姑姐阿哥。