我戒左又返吸, 真係唔知之後可以點算

「我戒左又返吸, 真係唔知之後可以點算」

呢句係小明第一句同我地講嘅說話。之後佢參加我地聚會, 同工們因為見佢後生都叫佢真係玩夠先搵我地, 但係時間又慢慢証明左佢真心想改, 所以最後佢成為我地宿友。識佢耐左佢講多左自己嘅事, 發現佢一出世就保良局, 因為無父母, 所以為左唔俾人蝦先埋堆攪紋身, 但係佢心底其實仲純過兔兔。時間令到佢慢慢學習將自己係MANNA交俾人。

時間都令佢慢慢放棄過去。宿舍住耐左都見佢好配合, 睇得出佢好想改過, 只係中間佢都發生過為左埋堆而做左D錯事(PS:其實係宿友要佢做嘅), 果次佢自己都對自己好失望, 但係今次佢知道MANNA同工可以接得住佢, 所以佢選擇坦白。時間令到人慢慢知道自己可以改變。

 到今日, 佢宿舍生活穩定, 所以可以開始去我地鋪頭做野

~~~~~~~~~~~~~~~~~~~~~~~~~~~~~~~
營運同工: 小明做野好淡定, 好小出錯
小明：做野慢先淡定既姐，唔做咪唔錯囉
睇得出佢係醒目仔, 呢份都可能係佢生命中小有嘅正職, 唔做唔錯或者呢個諗法仲係好世界, 但係我地知道, 只要我地願意付出時間, 俾時間天父做野, 俾時間佢係同工身上觀察, 佢好快會係一個大能勇士。