正式租落新一間更新宿舍

MANNA呢間餐廳仔將會有第3間宿舍提供俾有需要嘅朋友。要再搵地方, 係因為社關同工接到越黎越多朋友想透過同我地生活同埋工作, 去重新出發, 而舊嘅宿舍經已唔再夠位, 所以MANNA一係唔再接人, 一係就擴展個服務。一如以往, 我地仍然係無任何Funding或者奉獻去支持呢個新地方, 但係我地都仍然相信都係應該幫左先, 幫左先再review。而我相信好多朋友都會覺得, 我地一定係好熱血好有勇氣咁去決定開始新宿舍。

或者大家會幻想我地開會嘅情況會係咁:
社關同工: “需要嘅人越黎越多, 我地再搵地方啦!”
行政同工: “一於咁話, 上主一定幫助!”
營運同工: “衝阿, 實無事嘅!”
教牧同工: “靠主得勝yeah!”
其他同工: “gogogo!”

其實唔係咁, 仲要真心一直都唔係咁, 你地睇我地好似好衝好勇, 但其實個個事工我地都爭扎求問好耐, 真實開會情況大多係咁:
社關同工: “需要嘅人越黎越多, 我地有無方法搵其他機構幫手? 真係接唔住啦”
行政同工: “我地搵下其他友好先, 不過今次呢個朋友好似就係佢地介紹過黎”
營運同工: “仲有咁嘅空間咩? 同埋大家都睏啦, 會唔會休返一年先阿”
教牧同工: “現在同工拉扯都好大, 會唔會顧好內部先?”
其他同工: “………(靈魂吐出一片空白)”
仲要係開幾次會, 有支持有反對可能五五波, 再退修再開會再求問隔左幾個月先落到個決定, 再同心走出去。

可能

需要黎到, 幫左先, 幫左先再Review
召命黎到, 跟左先, 跟左先再諗點解