過去歷史上唔同事工或者機構, 總係有個特別出名或者特別有代表性嘅人物, 但MANNA一直都唔係呢個style。MANNA走到今日係因為整個群體都係到發緊光, 我地係由有唔同委身同心志嘅朋友走埋一堆去行呢個召命。
好似我地觀塘有個Carman妹妹, 呢個妹港大畢業, 我估大家都會知道, 佢未必係最叻但係都會係香港地叻果堆, 但係佢偏偏就自己msg我地話要入MANNA做野, 明知人工低工時奇怪又唔係有咩進升機會, 但佢就係咁樣做左差唔多成年。作為一個Fresh Grad, 佢好肯去嘗試做唔同嘅野, 佢會自己一個走出去公園搵少數族裔小朋友玩, 同佢地父母傾計, 又會教小朋友打波, 又促成左個義補班, 之後中秋又就咁攞住D物資行出去同長者傾計了解下佢地, 又攪大型球賽又做Admin。佢將MANNA最大嘅缺點變成左佢眼中嘅優點, 就係將我地無體制無格式, 變為佢眼中嘅自由同信任。