深水埗鋪最後一日突然就到左啦, 未來一兩個月呢個鋪我地只會做社關同埋慈惠飯服務, 即係如果你咁岩失業或者有咩突發事需要幫手或者攞飯, 可以照平時咁入黎, 有野食嘅只不過唔再係燒味都唔會收錢。
好多人會問我地做咩要搬同唔再做燒味, 一來個鋪真係太舊太多問題, 二來要做賺到錢嘅燒味真係唔易, 我地師傅用嘅方法同埋肉嘅來源, 基本上我地除非賣$70幾$80蚊, 如果唔係基本上無咩可能平到手。都有好多支持朋友叫我地轉個地區或者入商場做賣貴小小, 但係左諗右諗之後, 商場同貴區都真係同我地MANNA無份, 我地成立嘅心志始終都係基層同行, 透過間餐廳見到果個人, 認識佢, 陪佢行段路。加上商場鋪又點會肯俾我地有時段唔做生意攪社關攪活動攪團契呢? 最重要係, 我地成個群體好多係本身弱勢小小, 係MANNA接受支援之後係埋MANNA到做野事奉, 而燒味個入門太難, 所以我地早前先全線改革, 為嘅係令到更多需要份工嘅朋友可以更易加入我地。
香港餐飲市道的確不如過去, 但係我地都仍然會努力, 目標係慢慢成為提供最好餐飲服務嘅NGO, 等人唔再覺得NGO攪嘅餐飲浄係好有意義幫到人, 但一定難食。
