深水埗MANNA不經不覺就3年, 完租約啦

深水埗MANNA不經不覺就3年, 完租約啦
【9月3號星期二】最後一日有現場燒味賣

MANNA餐廳咁多個地點, 最大共同特徵就係唔營業嘅時間人往往多過營業時間。今次放工之後同工攪嘅會員活動, 真係衝擊左人數上限, 我地都唔知原來可以坐咁多人。

其實我地之前都輕輕同大家放過風, 我地深水埗好大機會要搬鋪, 始終宜家呢個地點都算係舊樓, 有好多大大小小問題都令到同工好難處理, 再加上我地都的確係需要一個大D嘅地方俾我地做活動同做社關, 所以我地下定決心唔續約啦, 我地打算搬去一個距離現時地點行20分鐘左右嘅新鋪, 新地方有好多故事令到我地想搬過去, 但係始終未簽好合約, 定好哂我地會再正式同大家講新地址同當中嘅經歷。

而現時嘅鋪位雖然我地10月先完約, 但係我地打算【9月3號星期二】就係最後一日會有燒味提供嘅日子, 之後我地會係原地點只做社區工作做到完約為止, 而新鋪都唔會再賣燒味, 因為成本真係太高, 所以如果你咁岩係我地燒味嘅支持者, 要好好把握最後呢幾日, 如果唔係就要透過我地到會服務去訂。

呢3年多謝左鄰右里俾機會我地做鄰舍, 我地一定會再見嘅