爛地上的一朵小黄花

看見

近來我地再去到海島貧民區, 去到第一天, 同當地同工傾完, 發現需要支援嘅小朋友, 由本身知道嘅大大增加左好多, 去到一個月要4800份食物, 而且食物外可以做嘅野仲有好多好多, 需要嘅決心同埋資源都大左, 令到自己都有動搖, 始終要租地要起屋仲要唔係香港, 真係MANNA從來都無諗過要做嘅野, 但係回想過去兩年去到唔同貧民窟所看見嘅人同事, 自己就走去安靜禱告, 事實上由準備出發到去到當日, 一路上靈修及經文都有好多引證, 過去兩年都有無數實在的呼召, 但仍然忍唔住同上主講:
“如果呢件事真係你要求去做的話, 求你就畀我喺明天睇嘅個嗰塊爛地上面見到一朵花, 雖然我知道你唔畀我再咁樣去求問亦都認為我唔需要再去咁樣分辨, 但係呢件事真係又大又難特別嚟緊我哋開支會大好多, 而我地目前都無任何儲備, 所以如果可以嘅話你就畀我看見但係如果冇的話我都會按你去決定呢件事做定唔做, 求你就畀信心同勇氣我, 最緊要係俾我知道你諗咩。”

果個地方, 基本所有吉地都係咁上下, 佈滿其怪什物, 好似第一張相咁樣, 但係如果你地留意到呢張相(左圖), 係地中間, 有兩個黃色嘅野, 一個係膠袋, 而另一個黃點, 行近睇, 係突然有一顆南瓜花喺度。

之後就落下大雨, 我同同工講我想返一返去酒店, 諗清楚係唔係租, 係唔係起屋。返到去內心感動散唔走, 但係我仍然擔心仍然憂慮, 即使花俾我見到, 我仍然問為咩要咁做? 為咩係MANNA? 

之後手機彈出金句
“希伯來書13:16 只是不可忘記行善和捐輸的事，因為這樣的祭是神所喜悅的。”

上主用左一個我無野好再諗, 無野好再擔心嘅經文答我, 我問為咩要咁做, 為咩係MANNA, 上主回應, 就只因他喜悅。

之後晚上, 同當地同工簽好文件, 我們MANNA正式開始係果邊租地建立一個2000尺嘅兒童照護所。

Lets do it!