前排8月尾打風，MANNA餐廳同工上一位老人家屋企送乾糧
.
跟住上到去婆婆就話
“哎呀，好悶呀好在你嚟探我呀！”
“我話唔係呀，打風喇上嚟幫你閂窗放低啲乾糧就要做嘢走喇”
佢唔制，係都要留低陪佢
之後話幫佢掃完個地拖埋就走喇
婆婆皮膚狀況會每日甩皮，嗰朝食飯倒瀉晒碗湯
佢盡力處理咗都仲有飯同湯喺地下
.
MANNA嗎哪同工邀請輪椅婆婆返團契
.
幫手清潔後婆婆最後都唔肯比人走
MANNA餐廳同工問：“我帶你出街喇帶你去團契喇?”
“好阿”
.
.
婆婆帶咗幾個馬仔預備請同工食
之後沿路都係咁想買唔同嘢食比同工
之後一齊團契唱歌佢又好開心咁跟住拍
但因為輪椅婆婆，所以都好擔心落雨就唔方便，就早啲走
一落樓，佢又想話去公園去中心去搵老友記
一路行，好多街坊同佢打招呼
話成年無見過佢，不斷有人同佢傾幾句
婆婆其實之前好精靈仲拎唔小嘅義工獎
但就因為一次帶住中風嘅伯伯去覆診
唔小心仆親，兩隻腳就唔行得
最後變咗伯伯照顧返半身行動不便嘅婆婆
無耐伯伯入咗醫院，變婆婆獨自生活。
.
MANNA同工得知：輪椅婆婆決志信耶穌及安詳離世回天家去
.
一個禮拜左右，佢唔肯開門比送餐員，話唔識佢
件事太唔尋常所以我哋搵咗屋企人
到屋企人上去佢都唔認得唔肯開門，之後爆門
社工了解後懷疑婆婆有瞻妄
再過幾日情況唔樂觀
持續低溫肺炎肝腎持續衰竭
過2日收到家屬msg
「多謝你地過去一直關心婆婆和為她禱告
星期日喺醫院特別恩恤安排下我和丈夫過去探望
並且她願意決志信耶穌，雖然她說不到話
但她有點頭示意願意接受耶稣做佢個人救主
實在感恩天父的憐憫和安排
因她今早已經安詳離世回天家去。」
#IfYouCare
#可能係香港見最多生離死別嘅餐廳
#感謝大家支持
#等我地可以行得幾遠
with Clipsly Digital Hub