2 3 月, 2026

大角咀~初十開爐(週四晚會)

【MANNA事】系列
.
.
「同人講『耶穌愛你』,得把口唔夠,有時係要做啲嘢先至實在……」義工一邊準備餸菜,一邊分享點解會嚟幫手煮飯,結論係有時要表達愛,煮餐飯比說話更實際。
.
大角咀週四晚會,主要邀請獨居長者同無家者每星期嚟一次聚餐。菜單通常由同工連同循理會賜恩堂一位大廚級嘅弟兄發辦,而弟兄有時仲會邀請佢團契嘅一班團友嚟做義廚。
今年嘅開年飯,一入廚房就見到佢哋分別負責洗菜、煮菜、炒飯、蒸魚、蒸蝦、炆鴨掌、整甜品,各施其職準備晚宴,其實呢種團契合作式事奉,分分鐘比起玩團契集體遊戲更發掘到彼此嘅恩賜,同更加建立到之間嘅默契。
.
飯後,有人突然話:「多謝耶穌」,佢話知道係因為耶穌,所以有人為佢煮飯。發現正正回應咗義工所講嘅愛,除咗講出嚟,仲可以透過一餐飯煮出嚟,而食嘅人的而且確係會感受到。
.