首頁
最新消息
舖頭資訊
社關資訊
故事分享
活動剪影
關於MANNA餐廳
院舍/校園/機構膳食服務
嗎哪。MANNA架構
嗎哪。MANNA報表
家書 & 代禱需要
購買飯券或奉獻
聯絡我們
同工招聘 / 義工招募
X
25 2 月, 2026
安老院探訪
點會諗到, 一次幫助會慢慢成為一個小團契
.
.
仲記唔記得我地有次好爭議咁幫人尋親? 結果又真係有個美好結局搵得返。呢件事令到果位伯伯好鼓舞,覺得上主好真實好俾機會佢。所以當我地幫左佢搵到間好嘅安老院之後 (因為佢開始多老人病要有人24小時照顧),佢除左個個星期有兩日會去我地聚會之外,仲同我地講覺得佢間安老院好有福音空間,就係咁,同工同義工開始探訪,參加嘅人都越黎越多。
.
.
因為咁,我地認識多左好多公公婆婆,最令人深刻嘅一位係一位90歲既婆婆,佢總係隨身帶住個鐘。而佢係會不斷問我地個時間到底岩唔岩,因為佢話佢個仔已經好耐好耐無探過佢,而婆婆佢仍然一直等緊,所以就總係望住個鐘。同工聽完真係心都痛。
.
.
所以,同工希望呢個咁特別咁奇怪嘅安老院探訪事工,可以有多d義工參與,令我地有機會慢慢成為佢地既屋企人。又或者有一日,如果我地攪個”領養阿爺阿嫲"事工計劃,結合多D有心人同時配對一位我地服務緊嘅長者,定時定候關顧探訪,你會唔會有興趣呢?又或者會唔會有教會肯團體參加呢?
.
.
#IfYouCare
#行出一小步生命一大步
#領養小朋友聽過
#領養小動物聽過
#領養阿爺阿嫲有無得諗呢
#個名都只係忽發奇想大家唔好執著其他意思
相關