城市人入新界，最興講：「好遠，未嚟過，不過呢度空氣真係幾好！」
.
.
今次長輩團契遠征屯門T-PARK，唔止呼吸到新鮮空氣，仲吸收咗唔少新知識。事隔一星期，諗住考吓其中兩位長輩記唔記得學咗啲咩，一個非常精準咁話「海水淡化」，一個仲好有序咁講返「焚化爐熱能發電」嘅過程，不過最緊要係一提起就笑晒咁話嗰度真係好靚。
.
.
長輩團契，其實係由一班幾乎每日都會嚟攞飯嘅長者會員組成。起初邀請佢哋嚟做手工、玩遊戲，再慢慢發展到同佢哋唱詩、講聖經故事。到目前，有人信、有人未信，不過要傳福音，首先唔可以怕花時間，因為有時路程雖遠，但只要最終讓佢哋見到美麗嘅風景入面有上帝，點都值得。
.
.