髮現愛 x 嗎哪街坊

新年前，恤個靚髮！

義剪服務喺大角咀嗎哪已有一年時間，成件事其實開始得幾有「嗎哪風格」。事源某日有街坊問起有冇得剪髮，同工當時只係諗咗一諗：「如果邀請到人嚟義剪就好喇！」點知未發動邀請，就有義剪服務隊聯絡我哋。

呢一年嚟，「髮現愛義剪服務隊」每兩個月就會嚟一次。髮型師非常專業，最得意係每次都會播住粵曲詩歌，令舖頭瞬間變懷舊理髮廳，所以成日話嗎哪不務正業就係咁解。