【MANNA事】系列
一家人打邊爐，就係屋企最溫暖嘅時刻！
.
.
HAPPY MONDAY (少數族裔) 晚會團年飯，事前問班媽媽想食pizza定打邊爐，點知大家一致揀打邊爐！一如既往，邀請每個家庭帶少少食物，夾埋就成為熱鬧又溫馨嘅邊爐大餐。有人可能會好奇佢哋打邊爐會唔會有特別食材，但其實除咗醬料充滿家鄉特色之外，所有食物都非常港式，小朋友都話鍾意食！而其實大部份小朋友都土生土長，媽媽們亦喺香港生活咗好一段時間，飲食習慣唔多唔少都變得「港式」，因為香港亦係佢哋嘅屋企。
.
.
而嗎哪最期望嘅，就係成為佢哋喺香港嘅另一個屋企。每年大時大節一齊慶祝，平日有事冇事都記得有我哋，希望無論日後佢哋身在何地，都記得曾經喺呢個屋企感受過從神而嚟嘅溫暖。