最近一個月觀塘門舖多咗個返接近full time時間嘅part time，佢本身讀IT出身，零飲食業底子之下過嚟幫手。一開始另一位同工話自己心諗，莫非佢係冇脾氣嘅人？！點解可以咁冷靜又溫柔咁同啲婆婆對話。我對佢嘅印象就係一個唔係好講嘢、默默做嘅人。後來慢慢聽到更多，例如佢都會對冇禮貌嘅客有情緒，企收銀講嘢講到好攰，見到有客仍然默默地飄去埋位，一星期返六日攰到冇時間見家人朋友。佢話以前IT公司嘅工作氣氛已經好好，但係相比之下更加鐘意嗎哪嘅氣氛。
同為前線同工，同工見到嘅畫面係佢哋每個人竭盡所有去完成同一件事，跑該跑嘅路程。有同工七勞八傷，肩背腰腳腸胃都傷；有同工處理幾間分店事務，成日來來回回做到凌晨，休息時間仍然做緊嘢；有同工年紀都頗大，手顫顫腳顫顫都繼續做；有同工係sen嘅朋友仔，佢係觀塘門鋪嘅開心果。
或者我哋唔完美，會有燥底、厭世、唔耐煩，唔想繼續做落去嘅時間。或者身邊嘅人同你講，乜你有degree點解做餐飲唔搵正職？做唔長久架；或者你嘅身體同你講頂唔住喇，你嘅心理狀態崩塌緊；
呢個就係問自己：「點解我會企喺度？」嘅時間。
我為乜嘢而努力和盡忠。
Appreciate to all who stand firm in your position.
謝謝每位願意做落去嘅前線同工。
能夠同你哋一齊同行、作戰，係一件美好嘅事。
*From觀塘門舖嘅一位同工
