長者送飯服務, 除左提供食物俾長者外, 有時仲會係一個機遇去將兩代人嘅關係拉近。一位用緊我地送飯服務嘅婆婆, 因為願意接受我地義工嘅探訪, 所以編織左一小段好特別嘅故事。
義工探左婆婆幾次之後, 都唔太令到婆婆講太多自己嘅野, 但婆婆對佢地嘅信任就的的確咁慢慢增加左, 去到一個位, 婆婆發現自己身體可能仲健康過班義工, 所以婆婆就教返班義工太極轉頭, 班義工又因為知道婆婆鐘意打牌, 所以就學打牌去陪婆婆玩下衛生牌。最後義工因為見証住婆婆堅毅嘅生命, 所以整左個好靚刻左”堅持”兩個字嘅小禮物俾婆婆, 仲邀請左婆婆去到觀塘參觀我地餐廳。
探訪本身係想幫長者回顧一下整個生命, 雖然件事最後變左跟婆婆學太極同打牌, 但係MANNA特別之處就係在於上上下下都可以隨機應變, 只要可以係果個人生命上爭到一席位, 要做D咩, 又有咩所謂。
