宿舍
我地一直覺無家者要更新又或者想同佢地行耐D, 就一定要有群體生活, 有團契有工作有地方住, 俾佢地轉個生活環境, 先易見到盼望。過去我地一直做緊前果幾part, 而到左今日我地終於搵到地方做宿舍, 係一塊二千幾尺嘅地上有兩間古舊平房, 之前我地仲未諗到邊到有錢修補返間屋同裝修阿傢俱阿果D, 但可以開始籌備就足以令大家都好興奮, 興奮到好似自己有屋住咁。
由一間餐廳開始, 賣下野食傾下計, 派下飯攪下活動, 到走出去有成抽社關攪埋宿舍, 感恩, 如果唔係召命嘅話MANNA成隊人唔會咁痴線, 而搵到召命其實真係好幸福。
道風山 愛静園宿舍開左啦!!
無家者宿舍裝修雖然Delay左, 最後都算係正式啟用啦, 呢到係一個好靜好美麗嘅地方。唯一可惜係當我地開嘅時候, 好多學員都等唔到, 係等待期間回到有毒品嘅生活。但係我地仍然相信, 只要俾時間同耐性, 佢地最後都係會返黎, 我地會好好營運呢個小家庭去等佢地返黎。